Dy administratorë të një Call Center-i dhe tre punonjës janë arrestuar nga policia e Tiranës.
Policia njoftoi se në kuadër të operacionit policor të koduar “Trick” u bë arrestimi në flagrancë, për veprat penale “Mashtrimi”, “Fshehja e të ardhurave”, “Mospagimi i taksave dhe tatimeve” dhe “Pastrimi i produkteve të veprës penale ose veprimtarisë kriminale”, i shtetasve B.K., 37 vjeçe dhe R.K., 40 vjeç, banues në Tiranë, të dy administratorë në një call center.
Gjithashtu, u proceduan penalisht shtetasit S.D., 40 vjeç, dhe E.M., 34 vjeç.
Nga veprimet hetimore të kryera ka rezultuar se këta persona, nëpërmjet një subjekti call center, u prezantoheshin si agjentë burse, shtetasve të huaj, të cilët i mashtronin që të investonin në platforma online. Nëpërmjet mashtrimit, këta shtetas, në bashkëpunim me njëri-tjetrin, në periudha të ndryshme kohore, kanë përvetësuar shuma të konsiderueshme parash, shtuan të njëjtat burime.
