Një zyrtar perëndimor ka dhënë disa komente interesante për situatën në Ukrainën veriore.
Ai tha se forcat ruse kishin braktisur “shumë” tanke, automjete dhe artileri në një tërheqje “të nxituar”.
Operacionet e Vladimir Putin kanë qenë “katastrofike”, tha zyrtari, dhe braktisja e automjeteve mund të jetë shenjë e një “kolapsi të vullnetit për të luftuar”.
“Ne mund të konfirmojmë se nuk ka më njësi në veri të Ukrainës“, thanë ata në një konferencë shtypi.
“Ka qenë një tërheqje mjaft e nxituar nga forcat ruse dhe ka shumë pajisje ruse që janë braktisur në atë tërheqje të nxituar dhe kjo vetëm sa do të përkeqësojë sfidën që ata kanë për sa i përket rinovimit të forcave të tyre ndërsa i largojnë ato.
Si në Bjellorusi ashtu edhe në Rusi. Disa prej tyre është e paqartë se pse i kanë braktisur sepse mund të keni menduar se disa nga këto automjete janë ende të përdorshme”.
