Deputeti demokrat Belind Këlliçi në emisionin Zonë e Lirë, u pyet lidhur me zgjedhjen e Presidentit të ri. Këlliçi u pyet se sa shanse ka Mimi Kodheli të jetë Presidente, ndërsa tha se “mund të jetë, pasi Edi Rama i ka votat”.
“Më vjen keq që edhe çështja e Presidentit trajtohet kështu, jo meshkuj jo femra, por Kodheli është një kandidaturë që nuk i bën zhurmë qeverisë”, tha Këlliçi.
Lidhur me kandidaturën e Olta Xhaçkës, Këlliçi tha se nuk besonte të ishte Presidente, pasi është shumë e re për atë pozicion.
Për Belinda Ballukun, deputeti Këlliçi tha se nuk e shihte si kandidaturë për Presidente, pasi Edi Ramës i duhet për të mbyllur punët e Qeverisë. “Nëse e çon në Presidencë, atëherë i hap rrugën Erion Veliajt, pasi dihet tashmë përplasja mes tyre”, tha Këlliçi.
Lidhur me Luljeta Bozon, deputeti i PD tha se ajo mund të jetë një kandidaturë, inxhiniere, ka qenë shumë e angazhuar në periudhën e tërmetit. “Mes kandidaturave të mësipërme, mbetet më e mira”, tha ai.
Për Edona Bilalin, deputeti demokrat tha se “ajo përmbush të gjitha kriteret që do Edi Rama, të cilin e quan Zeus, por ndoshta nuk plotëson kriterin e moshës”.
Mes kandidaturave, Arjan Çani ka futur edhe Pandeli Majkon, ndërsa tha se gjithmonë e më shumë i ngjan një gruaje.
“Nuk besoj se e do President, pasi ai mezi e vuri në listat e kandidatëve për deputet”, tha Këlliçi.
