Në Shqipëri brenda pak javësh nis procesi i zgjedhjes së Presidentit të ri të vendit, ndërsa Partia Socialiste ka votat e mjaftueshme për zgjedhjen e tij, pasi Kuvendi të ketë konsumuar 3 raundet e para të votimit. Kryeministri Edi Rama ka deklaruar se do të synohet zgjedhja e një Presidenti mbi palët, ndërsa ka përkufizuar Kreun aktual të Shtetit, Ilir Metën, si një model të keq, që nuk duhet të përsëritet.
Por a mund të jetë Ramush Haradinaj kandidat për President?
Kreu i AAK shkruan se nuk është kandidat për President. “Po e shoh që po bëhet fushatë nga gazetarët e shitur, nga mercenarët e mediave, në Tiranë e në Prishtinë, sikur unë qenkam në kombinim për President të Republikës së Shqipërisë. Kjo është një shpifje ordinere, e ulët, e pistë dhe për hesap të kuzhinave që janë edhe kundër Shqipërisë, edhe kundër Kosovës, edhe kundër meje”, tha ai.
Reagimi nga Ramush Haradinaj:
Nuk jam kandidat për president të Shqipërisë.
Po e shoh që po bëhet fushatë nga gazetarët e shitur, nga mercenarët e mediave, në Tiranë e në Prishtinë, sikur unë qenkam në kombinim për President të Republikës së Shqipërisë. Kjo është një shpifje ordinere, e ulët, e pistë dhe për hesap të kuzhinave që janë edhe kundër Shqipërisë, edhe kundër Kosovës, edhe kundër meje.
Për popullin tim të dashur shqiptar, unë jam në Kosovë, do të jem në Kosovë dhe edhe politikisht do të realizohem në Kosovë. Shqipëria i ka njerëzit e saj, që di t’i vendosë në krye të shtetit. Me Kosovën e Shqipërinë e kundër matrapazëve mediatikë e të opinionit publik!
