Një konflikt ka ndodhur në një lokal të kryeqyetit orët e para të mëngjesit të sotëm, ku për pasojë një person ka mbetur i plagosur me armë zjarri në këmbë.
Shtetasi Sh. M., i plagosur në këmbë, dyshohet me armë zjarri, ndodhet nën kujdesin e mjekëve, jashtë rrezikut për jetën.
Ky shtetas është konfliktuar me disa persona të tjerë në një lokal në afërsi të rrethrrotullimit të Saukut, dhe në rrethana ende të paqarta ka mbetur i plagosur.
Shërbimet e Policisë kanë shoqëruar deri tani 12 persona.
Në koncert ishte i ftuar këngetari Don Phenom. Në një video në TikTok, Don Phenom thotë se koncerti i tij është mbyllur pa probleme dhe se ai është shumë mirë. Artisti tregon se konflikti ka ndodhur më vonë, pasi ai ka mbaruar performancën e tij.
@e.kallanxhiu♬ original sound – e.kallanxhiu
