Aktorja Olta Gixxhari prej dy vitesh është shpërngulur në Spanjë ku jeton me partnerin dhe djalin e saj i cili erdhi në jetë në 2020.
Së fundmi Olta ndodhet në Tiranë dhe ka qenë e pranishme në disa emisione ku ka folur për familjen e saj që e ruan me hermetizëm nga sytë e publikut.
Olta tregoi detaje që nuk i kishte thënë asnjëherë për partnerin e saj duke zbuluar mes të tjerash se janë njohur në Madrid dhe se fillimisht mendonte se ai nuk do lidhej kurrë me të.
“Jemi njohur në Madrid dhe puthjen e parë e dhamë në Romë. Lidhja jonë ka ardhur në mënyrë natyrale dhe unë madje mendoja se ai nuk do lidhej kurrë me mua.
Është kursimtar nuk bën dhurata të shtrenjta. Quhet Dori dhe është nga Tirana, profesionin nuk do e them. Nuk më thërret kurrë në emër. Nëse më thotë Olta ka diçka që nuk shkon. Vetëm dy herë e kam dëgjuar nga goja e tij emrin tim dhe se si jam ndjerë. Më ka vënë një nickname(epitet) me përkëdheli të padëgjuar ndonjëherë. Unë i thërras Dori. Nuk bëhet xheloz, unë nuk e di se si është xhelozia në një lidhje.”- rrëfeu Olta në “Wake Up” në Top Channel.
