Deputetja e PD-së, Sorina Koti ka qenë e ftuar në studion e Fax News, ku ka folur mbi zhvillimet e fundit të ndodhura brenda partisë Demokratike që prej momentit që gjykata shpalli të vlefshëm Kuvendin e 11 dhjetorit.
Koti tha se Berisha kishte sjellë një frymë ndryshe duke bashkuar demokratët. Ndërsa për takimet që Basha po zhvillon me demokratët nëpër rrethe, deputetja u shpreh se tashmë ishin të vonuara dhe se këtë gjë ja kishin kërkuar ta bënte që në shtator.
Nëse rikandidon zoti Berisha për të kryesuar PD-në, a do e mbështesni ju personalisht dhe më pas demokratët e Korçës?
Sorina Koti: Është e drejta e Berishës dhe e çdokujt tjetër të kandidojë për të qenë në krye të partisë Demokratike. Berisha bëri të mundur bashkimin e demokratëve, kështu që në mënyrë absolute i takon të kandidojë për kreun e partisë Demokratike. Anëtarët e kryesisë do të zgjidhen me votë, po ashtu edhe ata të këshillit. Duke parë angazhimin e tij, besoj se Berisha do të kishte shanse të zgjidhej në krye të PD nëse kandidonte.
Basha ka nisur takime me demokratë mbështetës, a ka pasur takime në Korçë?
Sorina Koti: Nuk ka ardhur ende për të kryer takime me demokratët. Ndoshta është pak tur i vonuar tashmë sepse ne këtë ja kemi kërkuar që t’i kryente që në shtator kur mori vendimin për përjashtimin e Berishës. Të gjithë atëherë i kërkuam të dilte të qartësonte demokratët. Nëse ai do kishte dalë atëherë, ndoshta sot situata do ishte diçka tjetër, por ai nuk e bëri këtë. Kështu që të dalësh tani pasi është shkarkuar në Kuvend dhe më pas u dorëhoq pasi ja kërkoi pjesa më e madhe e grupit parlamentar, kjo gjë është e vonuar. Unë nuk besoj se do ketë sukses në takime, se të them të drejtën nuk e di përse po i takon.
