Ministri i Brendshëm, Bledi Çuçi deklaroi se qeveria mori vendim për dhënien e shtetësisë shqiptare që kanë kontribute të veçanta në disa fusha të ndryshme.
Sipas Çuçit me këtë vendim, Shqipëria mund ta kthejë si instrument për të tërhequr rekordmenët e rinj në sport.
“Qeveria mori vendim për dhënien e shtetësisë shqiptare për shtetasit e huaj që kanë kontribute të spikatura në fushën e arsimit, shkencës dhe sportit. Ky vendim plotëson një nen në ligjin e ri për shtetësinë, që e hap këtë të drejtë dhe përcakton procedurat dhe afatet për dhënien sa më shpejt të shtetësisë shqiptare për këta persona me kontribute. Me këtë vendim bëjmë të mundur që ta kthejmë dhe si një instrument për të thithur rekordmenët e rinj”, tha Çuçi pas mbledhjes së qeverisë.
