Një 43-vjeçare nga Vlora, ka zbuluar detaje të trishta nga jeta e saj e vështirë dhe ka kërkuar ndihmë përmes televizionit.
Ajo është nënë e tre fëmijëve, ndërsa thotë se vuajtjet e saj nuk kanë pasur fund nga dy bashkëjetesa të dështuara. Së fundmi ajo ka denoncuar ish-partnerin se i ka marrë dy fëmijët.
“Unë kam vuajtur shumë, s’kam jetuar si një fëmijë normal. Jam rritur në jetimore dhe në moshën 14 vjeç u largova dhe Holanda më zgjodhi mua dhe jo unë Holandën.
U njoha me një holandez me të cilin solla në jetë një vajzë, e cila sot është 14 vjeçe. Por pas mbarimit të kësaj bashkëjetese unë u njoha nëpërmjet ‘Facebook’ me dikë tjetër me të cilin jetova dhe solla në jetë dy fëmijë që sot janë 10 dhe 5 vjeç.
Por ky më ka dhunuar mua disa herë madje shteti më ka shpërblyer, ai më gjuante ndoshta mund të ishte i mërzitur që mbeta shtatzënë. Ai s’i ka pranuar kurrë fëmijët, madje dhe vajza nuk e mori atësinë, sepse nuk e njihte dhe nuk donte.
Në 2014 unë e denoncova te policia e emigracionit sepse ai nuk kishte dokumente atëherë. Por ai prandaj e ka marrë vajzën tani se do të përfitoj dokumentet, sepse ai nuk i ka njohur as atësinë. Ai më ka shfrytëzuar edhe seksualisht”, tha ajo në studion e emisionit me “Zemër të Hapur” të gazetares Evis Ahmeti.
