Ish-deputeti Lefter Maliqi, në një intervistë për Oraneës paralajmëroi një 5 qershor të ri, lidhur me zgjedhjen e Presidentit të vendit.
Maliqi shprehu keqardhjen që ambasadorja e SHBA, Yuri Kim, po mbështet hapur një qeveri që është e kriminalizuar dhe e korruptuar, ndërsa shtoi se ajo nuk e njeh votën e lirë.
“Të dalësh dhe të thuash që njoh Enkelejd Alibeajn për kryetar të PD kur demokratët janë shprehur me votën e tyre, do të thotë të mos njohësh votën e lirë. Besoj se Alibeaj do jetë viktima e rradhës e ambasadores Kim, e cila kështu mbështeti Lulzim Bashën, Rudina Hajdarin për deputete apo edhe të tjerë politikanë që sot janë të djegur ose humbës”, tha Maliqi.
Sipas tij, me mënyrën se sip o vepron Yuri Kim më shumë po e dëmton SHBA në sytë e shqiptarëve dhe kjo u pa edhe në zgjedhjet e fundit të pjesshme vendore.
“Yuri Kim mbështeti Lulzim Bashën dhe rezultati tashmë dihet, e patë edhe Shkodrën që pavarësisht angazhimit të ambasadores, shqiptarët votuan kandidatin e Shtëpisë së Lirisë”, tha Maliqi.
Ai u shpreh se sot opozita po riorganizohet dhe besonte që në zgjedhjet vendore opozita mund të marrë gjysmën e bashkive, por edhe po arritën të fitojnë 20 apo 25 kjo sërisht është fitore.
Lidhur me zgjedhjen e Presidentit të ri, Maliqi u shpreh se i besonte zërave se një kandidat ishte Lulzim Basha,
por shtoi se ndoshta Edi Rama do të zgjedhë një prej personave të besuar prej tij, deputeten Jorida Tabaku.
“Edi Rama megjithë pushtetet që ka kapur, me gjithë paratë e krimit, korrupsionit, koncensioneve, tenderave, ka marrë aq vota sa edhe në 2017, pra nuk ka një rritje të elektoratit. Ndaj dhe opozita duhet të riorganizohet me shpejtësi dhe të nisë fushatën, duke punuar fort me atë që njihet si elektorati gri.
Me njohjet që kam me Sali Berishën, mund të them se ai është një njeri që mban fjalën dhe i kthen gjërat në realitet. Kam një bindje totale që Berisha do të drejtojë opozitën shqiptare dhe do të ketë një fitore si Orbani i Hungarisë, që pati kundër Sorosin dhe segmente të caktuara dhe bën për njerëzit e investon”, tha Maliqi.
