Një anije luftarake e marinës amerikane u mbulua nga një hije pasi në qiell u shfaqën dy topa të mëdhenj drite të një madhësie gjigande, të cilat shpëtuan nga sulmi i armëve anti-dron.
USS Kearsarge është anija më e fundit e cila ka fiksuar këto dy drita që mendohet se janë UFO. Regjisori i filmave dokumentarë Dave C. Beaty – i cili prodhoi filmin e vitit 2019 “The Nimitz Encounters” për takimin e famshëm të marinës amerikane të vitit 2004 me objektin “Tic Tac” – zbuloi pamjen e raportuar nga tetori 2021.
Thuhet se dy objektet që nga larg dukeshin si dy topa drite kanë qëndruar pranë anijes luftarake të marinës amerikane, e cila është gati prej 40 500 tonësh. Luftanija amerikane po zhvillonte stërvitje në brigjet lindore të SHBA.
Topat e dritës që dyshohet se janë UFO, ndoqën anijen rreth gjysmë milje nga pas. Beaty u kontaktua nga një oficer tashmë në pension i marinës amerikane i identifikuar vetëm si “Mark” në lidhje me dritat e çuditshme.
Fotot nga faqja publike e anijes në Facebook zbulojnë se objektet janë pikasur natën nga ora e kuvertës – e cila nuk mund të fitonte një bllokim termik. Mark i tha Beaty-t se USS Kearsarge dërgoi me radio komandën për objektet dhe u informua se objektet “nuk ishin tonat”. Dokumentari po përpiqet të futet më thellë në ngjarje, që është incidenti më i fundit i UFO-ve që raportohet se është hasur nga Marina e SHBA. Zyrtarët amerikanë kanë ngritur një zyrë të re në Pentagon, duke vendosur një strukturë zyrtare raportimi për takimet me UFO-t.
