Alketa Hila është drejtuesja e re e Albpetrol.
Hila është emëruar administratore, derisa bordi të bëjë zgjedhjen e drejtorit të ri të kompanisë.
Më herët, në detyrën e drejtorit të Albpetrol ishte Florian Muça. Ky i fundit është arrestuar për aferën e inceneratorit të Fierit.
Ndaj Florjan Muçajt, Gjykata e Posaçme ka vendosur masën e sigurisë “arrest në burg”, si i dyshuar: për kryerjen e veprës penale “Shpërdorimi i detyrës”, në bashkëpunim. Florian Muçaj ka qenë anëtar i Komisionit të vlerësimit të ofertave për inceneratorin e Fierit. Muçaj është thirrur edhe në komisionin hetimor për inceneratorët, ku nuk iu përgjigj pyetjeve të deputetëve. “Drejtohuni SPAK, kërkojini me shkrim që ata të konfirmojnë që unë mund të flas, dhe jam gati të dëshmoj, në të kundërt nuk flas”, tha ai.
Në Gusht 2021, Florian Muça u emërua drejtor i Albpetrol.
