Ish-kryeministri Sali Berisha ka reaguar ndaj ambasadores së SHBA, Yuri Kim, pasi kjo e fundit u shpreh se njihte për kryetar të PD, Enkelejd Alibeajn.
I ftuar në A2 CNN, Berisha u shpreh se nuk pranon ndërhyrje të tilla dhe për shkak të marrjes peng të opozitës u rikthye të garojë.
“Refuzoj çdo ndërhyrje tuajën në problemet e brendshme të PD dhe kërkoj të mos ndërhyni në zgjedhjen e forumeve të partisë.
Nuk mund të pranoj ndërhyrje të tilla.
Ju i lejoni vetes të ndërhyni se kush dhe si duhet të zgjidhet PD dhe kjo më ka bërë të rikthehem të garoj.
Do ta këshilloja që nëse dëshiron që të ketë komunikim të sinqertë me demokratet t’u kërkojë të falur”, tha Berisha.
