Ish-Kryeministri Sali Berisha deklaroi në një intervistë për A2Cnn se nga Kuvendi i 11 dhjetorit u shkarkuan jo vetëm Lulzim Basha, por edhe Enkelejd Alibeaj dhe e gjithë kryesia e Partisë Demokratike.
Berisha tha se në këtë kontekst është qesharake të mendosh se mund të pranohet kryetar i PD-së një ish-nënkryetar i shkarkuar nga 4900 delegatë të kuvendit të 11 dhjetorit.
“Unë e kam deklaruar, është kryetar i grupit, por këtu ka një çështje, grupi ka një kryesi dhe natyrisht është kryesia dhe jo kryetari, kryesia e grupit përcakton axhendën dhe të orientojë grupin, në rast se ky rregull respektohet jemi të prirur të vazhdojmë punën, statuti i PD-së kërkon që kryetari i grupit të jetë nënkryetar i partisë.
Alibeaj ka të drejtë të kandidojë dhe nëse e votojnë ka të gjitha mundësitë të vazhdojë detyrën që ka, në rast të kundërt….
Ai mund të qëndrojë me kushtin që të mos ketë vendimet individuale, nëse nuk ndjek porositë e Bashës. Nëse i ndjek, është i destinuar të dështojë, gabim i madh”, tha Berisha.
