Një person rreth 35 vjeç ka mbetur i vrarë gjatë mbrëmjes së të dielës në rrugën dytësore të autostradës Tiranë- Durrës.
Mësohet se ndaj makinës së viktimës është qëlluar rreth 100 metra në lëvizje, derisa automjeti tip Land Rover është përplasur me bordurën.
Nga raportimet mësohet se automjeti me të cilin lëvizte viktima ishte marrë me qira në Rinas. Sipas raportimeve targat e këtij automjeti janë AB 998 AS.
Gjithashtu nuk përjashtohet mundësia që në mjet të ketë qenë edhe një person tjetër, për shkak se dera e pasagjerit ka qenë e hapur.
Fillimisht policia dyshoi se i riu ka pësuar aksident, pasi trupi i tij është gjetur i shtrirë në rrugë. Por teksa ka inspektuar gëzhojat, ka dalë në përfundimin se ndaj tij është bërë atentat.
Policia ka nisur hetimet lidhur me ngjarjen, ndërsa janë sekuestruar pamjet e disa kamerave të sigurisë.
