Penalltia e fituar dhe e ekzekutuar dy herë radhazi nga Interi derisa erdhi goli i zikaltërve ka tërbuar trajnerin e Juventusit, Masimiliano Alegri.
Që në momentin kur gjyqtari Irrati vendosi të jepte penallti pasi pa pamjet me VAR, Alegri ishte shumë i nervozuar dhe shpërtheu në kritika kundër tij. Kur ky i fundit vendosi më pas të përsëriste gjuajtjen e Çalhanoglu që ishte ndalur në tentativën e parë nga Sheznji, Alegri nuk i mbajti më nervat.
Ai shpërtheu në kritika dhe para pankinës hoqi xhupin dhe e vërviti atë tutje me inat, duke mos u përmbajtur ndaj gjyqtarit për atë episod i cili mbylli mes polemikave pjesën e parë të ndeshjes.
