Deputeti Ervin Salianji ka zhvilluar një takim me demokratët e grupseksionit nr 8 në Korçë, nga ku u shpreh se bashkimi real i PD nuk vjen nga numërimi fiktiv, por bashkimi rreth votës.
Sipas tij, vetëm kështu PD mund të rritet.
“Nëse do të duan të bëjnë proces të njëanshëm nuk do ta realizojnë dot, ne do të mbrojmë siglën e PD, ne nuk jemi si ata që bëjmë beteja për të lëshuar gjërat, ka vetëm një rrugë për të bashkuar PD, jo me procese të njënashme, jo me njerëz që skanë kontribute”, tha ai.
Lidhur me zgjedhjen e Presidentit të ri, deputeti i PD tha se ky është një debat i parakohshëm.
“Është një diskutimi i parakohshëm, kur të vijë një qëndrim në grupin parlamentar do të diskutohet, askush ska tagrin që të diskutojë në emër të grupit parlamentar, do të diskutohet edhe për qëndrimet që do të kemi për emrin e ri të presidentit.
Cdo emër i hedhur për konsum nuk i shërben interesave të opozitës në Shqipëri. Duhet që ti qëndrojmë parimeve.
Nga PD në këtë rast nuk ka asnjë qëndrim pasi është qëndrim për të zhvendosur vëmendjen që ka bërë qeveria me rritjen e cmimeve, kur të kemi qëndrim për këtë do të bëhet publik zyrtarisht”, tha ai.
