Kremlini është kundërpërgjigjur pasi aktori francez Gerard Depardieu e akuzoi Presidentin rus Vladimir Putin për “ekstremitet të çmendur dhe të papranueshëm” në Ukrainë.
Depardieu tha se populli rus nuk ishte përgjegjës për sjelljen e Presidentit të tij. Por zëdhënësi i Putinit, Dmitry Peskov, tha se aktori ndoshta nuk e kuptonte plotësisht situatën në Ukrainë dhe propozoi që t’ia shpjegonte atë.
Depardieu ka thënë gjithashtu se do t’i dhurojë të gjitha të ardhurat nga tre netët e koncerteve në Paris, duke filluar që nga e premtja mbrëma, për “viktimat ukrainase të kësaj lufte tragjike vëllavrasëse”.
Kujtojmë se Depardieu u largua nga Franca për arsye tatimore dhe mori nënshtetësinë ruse në 2013. Ai e mori pasaportën ruse nga Presidenti Putin personalisht në vendpushimin e Detit të Zi, Soçi. Në atë kohë, aktori dhe Putin shtrënguan duart dhe u përqafuan me njëri-tjetrin dhe Depardieu e përshkroi Rusinë si “një demokraci e madhe”.
Në vitin 2015, Ukraina ia ndaloi hyrjen në vend për pesë vjet pasi ai mbështeti aneksimin e Krimesë nga Rusia.
