Teuta do të presë në “Niko Dovana” skuadrën e Skënderbeut. Një rikthim në shtëpi për djemtë e detit pas 10 muaj, ndërsa do të kërkojnë që ta kenë një “armë” plus për pjesën e mbetur të këtij sezoni.
Përballja me korçarët e Skënder Gegës do të jetë shumë e rëndësishëm, pasi në këtë duel nuk lejohen hapat fals nga asnjëra prej ekipeve, të cilat detyrim kanë vetëm 3 pikët që janë jetike për garën për mbijetesë për ujqërit e dëborës, ndërsa për durrsakët e Renato Arapit nevojiten për të mbajtur një distancë sigurie nga zona e ftohtë.
Renato Arapi dhe Skënder Gega kanë shuar çdo dyshim s ai takon formacionit me të cilët do të masin forcat në sfidën e sotme, teksa kanë skicuar edhe lojtarët titullarë që do të zbresin në fushën e lojës për një ndeshje që pritet të jetë e luftuar deri në fund.
Formacionet zyrtare:
Teuta: Qirko, Hyka, Aleksi, Vila, Kotobelli, Todorovski, Daci, Plaku, Beqja, Jazxhi, Acquah. Trajner: Renato Arapi
Skënderbeu: Rexhepi, Zguro, Jean Victor, Berisha, Pinto, Pusi, Mara, Vrapi, Sadriu, Dwumfour, Shehi. Trajner: Skënder Gega.
