Në Britaninë e Madhe, një deputet i parlamentit ka shkaktuar ‘skandalin e radhës’. Mediat britanike raportojnë se deputeti konservator David Uarburton konsumon shpesh kokainë dhe ka ngacmuar seksualisht gratë. Mësohet se 56-vjeçarit i është tërhequr vëmendja disa herë nga organi mbikëqyrës parlamentar, pasi nuk është hera e parë që ai përfshihet në ngjarje të tilla.
Një grua ka denoncuar deputetin, duke thënë se ai shkoi në shtëpinë e saj, konsumoi drogë dhe tentoi ta zhvishte duke e prekur në zona intime. “I thoja mos më prek sepse nuk dua të bëjmë seks, ai më tërhiqte me forcë dhe më prekte gjoksin”-tha e reja në dëshminë e saj.
Dy gra të tjera po ashtu e kanë akuzuar Uarburton për komente të padëshiruara seksuale dhe prekje të pahijshme. Mbrëmë “The Sunday Times” publikoi një foto të tij të ulur në një tavolinë me kokainë, duke bërë që ai të pezullohej menjëherë nga detyra.
Uarburton dhe gruaja ishin takuar përmes punës dhe ai kërkoi të shkonin në banesën e saj, pasi ajo kishte pirë pak.
Autoritetet po punojnë për zbardhjen e plotë të ngjarjes apo dhe të denoncimeve të tjera ndaj politikanit.
