Deputeti Lulzim Basha ka vijuar takimet me qytetarë, ndërsa ditën e sotme ishte në Shkodër. Ajo që ka rënë në sy ishte fakti se Basha nuk ka pasur në krah asnjë prej deputetëve demokratë të qarkut, edhe pse deri në 6 mars, kishte mbështetjen e pothuajse 5 deputetëve që PD morri në Shkodër në zgjedhjet e 25 prillit.
Basha shoqërohej në takimet e zhvilluara nga Xhemal Bushati, i cili garoi për kryebashkiak dhe u rendit i 3-ti në zgjedhjet e pjesshme të 6 marsit, si dhe nga kryetari i degës se PD-së Xhevdet Amuli.
Basha është shprehur se ka hequr do të nga drejtimi i PD-së për shkak të situatave të krijuara dhe se do të punojë për bashkimin e PD-së.
“Hoqa dorë nga procesi për shkak te situatave te krijuara. Ju shpreh mirënjohje për gjithçka keni bere. Qëndruat fort përballe një gare aspak te zakontë. Nuk do le asgjë pa bërë që kontributi juaj të shpërblehet.
Koha dhe e drejta janë ne krahun tonë. Jeni njohur me vendimin e turpshëm që mori gjykata pak ditë më parë. Ai është apeluar nga PD. Gjithçka që po ndodh është pushtim i paligjshëm. Ti shërbejmë uljes se gjakrave”, tha Basha.
