Një ngjarja e rëndë ka ndodhur mbrëmjen e sotme në rrugën dytësore Tiranë-Durrës ku ndaj një automjeti është qëlluar me breshëri automatike.
Dyshimet janë se ndaj automjetit me të cilin lëvizte viktima është qëlluar nga një tjetër automjet në lëvizje. Ngjarja ka ndodhur në afërsi të kthesës së Rinasit, në rrugën dytësore.
Nga të dhënat e para mësohet se si pasojë e të shtënave ka humbur jetën një person, i cili është gjetur pa shenja jete.
Raportohet se viktima është i moshës rreth 35 vjeç.
Fillimisht është dyshuar se viktima ka humbur jetën si pasojë e një aksidenti, por nga kqyrja e vendit të ngjarjes, policia ka gjetur shenjat e plumbave dhe gëzhoja.
