Nga Boldnews.al
Drejtori i Përgjithshëm i Kadastrës Shqiptare Artan Lame ka hyrë në vitin e nëntë si Ali dhe Kadi i pronave në vend. Aq sa Rama mban pushtetin politik, po ashtu edhe Lame ka gozhduar edhe drejtimin e pronave në Shqipëri. Ka një nisje abuzimi, por duket se nuk do ketë një fund, ku Kadastra Shqiptare është cilësuar institucioni me perceptimin më të lartë të korrupsionit në vend dhe faktet janë ashiqare.
Në fillim kur mori detyrën, Lame më shumë shihej në media sesa në zyrë. Taktika ishte e qartë: “në fillim denoncojmë parregullsitë me pronat dhe më pas kemi dorën e lirë për të riabuzuar, edhe aty ku nuk është vënë dorë”. Për shumë kohë shprehej: “kemi gjetur vrima në hartat e pronave, ku hapej një vrimë enkas për t’i fshirë pronën dikujt dhe më pas e tjetërsonin”. Propaganda vlejti vetëm të rriste pazarin për të dhënë një leje legalizimi, apo certfitikatë pronësie të trojeve dhe banesave.
Një nga format tipike për të dërguar qytetarët në “mëkatin e korrupsionit aktiv” është vonesa në kthimin e përgjigjeve, më pas ridërgimi i dosjeve për plotësim, duke stisur praktika rishtas, që për qytetarët është mohim i pastër i të drejtës së pronësisë. Rruga nga ku kalohet me mundin e dhënies së parave nëndorë kalon nga sekserët, specialistët e nivelit të ulët dhe më pas tek drejtorët, që sot nuk fshihen fare me luksin e tyre, paçka se pagat nuk kalon më shumë se 110 mijë lekë të reja në muaj.
Vrimat janë “zënë” edhe me krijimin e hartave të reja digjitale, duke u bërë objekt i pastër i tjetërsimit të pronave, sidomos atyre në bregdet që dikur figuronin shtetërore por më vonë u kthyen në troje për ngritjen e resorteve dhe shërbimeve të tjera nga oligarkia e ndërtimit dhe krimi i organizuar i lidhur ngushtësisht me pushtetin.
Në Kadastrën Shqiptare sot nuk flitet më për disa “vrima në harta”, por pus korrupsioni që administrimi i pronave në vend është kthyer në llumin e madh ku qytetarët pa përkrahje viajnë me vite e dergjen gjyqeve ndërsa të lidhurit me pushtetin gëzojnë privilegjet mbi prona që nuk i kanë të trashëguara, por të rrëmbyera me firmën dhe vulën e institucioneve shtetërore.
Personat e përfshirë në afera shpesh ndryshohen dhe ata që kanë dhënë prova se dinë të abuzojnë më mirë kalojnë nga një sektor në një tjetër, për të ricikluar formën e abuzimit. Vetë Lame tashmë po ndjen pasojat e batërdisë 9 e kusr vjeçare që ka rënë në të gjithë vendin, ku tashmë ka ndryshuar edhe “miku për punën”. Si vendin e parë zgjedhin një “copë shefi” në Kadastër dhe jo më një “copë doganieri”.
Vrimat po hapen kudo ku kalon “matrapiku i korrupsionit” dhe koleksionisti Lame vijon të flasë kudo që i jepet mundësia për të mbuluar me propagandë atë që nuk zhbëhet më me pronat.
