Prokuroria e Durrësit regjistron procedim penal për dëmtimet në regjistrat e pasurive të paluajtshme në Kadastrën e Durrësit.
Prokuroria pranё Gjykatёs sё shkallёs sё Parё, Durrёs në një njoftim për shtyp, bën të ditur se, “nisur faktet e bëra publike në media për kontrollin e ushtruar në Kadastrën e Durrësit dhe konstatimin e dëmtimeve në regjistrat e pasurive të paluajtshme të regjistruara në zonën bregdetare të Durrësit si Plazh, Spitallë, Lalëz, Draç, Rodon, etj Prokuroria pranë Gjykatës së Shkallës së parë Durrës ka regjistruar procedimin penal nr. 582, datë 01.04.2022 për veprat penale të parashikuara nga nenet 186 e 248 te Kodit Penal”.
“Me urdhër të drejtueses së prokurorisë është krijuar një grup hetimor i përbërë nga prokurore dhe oficerë të policisë gjyqësore për hetimin e plotë të çështjes”, thuhet në njoftimin e Prokurorisë së Durrësit.
