Ambasada e Gjermanisë në Tiranë bëri të ditur sot se janë lehtësuar procedurat për caktimin e takimeve për marrjen e vizës për një sërë kategorish dhe profesionesh.
Ambasada njoftoi se është shkurtuar koha e pritjes për ata që kanë kontrata pune në profesione si mjek, dado, kërkimin shkencor dhe për studime.
“Zyra e vizave informon me kënaqësi se për kategoritë mjek, Au Pair (Babysitter/dado), Formim profesional, Karta Blu e BE-së/ Kualifikim i lartë, Ligji i emigrimit për punonjës të kualifikuar me diplomë të arsimit të lartë/ profesional, Kërkim shkencor, Vit social vullnetar, Praktikë/ Hospitime, Frekuentim shkolle, Të vetpunësuar, Kurse gjuhe, Studime, është bërë i mundur rezervimi i një takimi vet/personalisht”, thuhet në njoftim.
“Në këtë mënyrë ju ofrojmë neve juve më shumë fleksibilitet në përzgjedhjen e takimit dhe shkurtojmë kohën e pritjes. Nëse takimet në një kohë të caktuar janë dhënë, ju keni mundësinë të rezervoni një takim në një moment tjetër, ndaj ju lutemi vizitojeni herë pas here faqen tonë të internetit”, thekson ambasada.
Ambasada shton se “është e rëndësishme që për aplikimin sipas §26 II Paragrafi V ( Rregulli për Ballkanin Perëndimor) nuk është i mundur rezervimi i takimit direkt”.
“Ju lutemi, të interesuarit të regjistrohen në „ Punësim sipas §26 II paragrafi V/ Regulli i Ballkanit Perëndimor“. Persona të cilët regjistrohen në kategorinë e gabuar, nuk do të lejohen të aplikojnë”, nënvizon ambasada.
“Ju lutemi, rezervojeni takimin vetëm nëse dokumentacioni juaj është i plotë sipas kritereve të fletëve informuese. Aplikimet me dokumentacion jo të plotë nuk do të pranohen”, përfundon ambasada.
