Një 61-vjeçar është arrestuar pasi akuzohet se ka ngacmuar seksualisht vajzën e tij të mitur.
Burime zyrtare nga policia njoftuan këtë të Premte se “specialistët për Hetimin e Krimeve në Komisariatin e Policisë Korçë, bënë ndalimin e shtetasit J.K., 61 vjeç, banues në Korçë, pasi dyshohet se ky shtetas ka konsumuar veprën penale ‘Ngacmimi seksual’, me vajzën e tij të mitur”.
Materialet i kaluan Prokurorisë pranë Gjykatës së Shkallës së Parë Korçë, për hetime të mëtejshme, shtuan të njëjtat burime, pa dhënë detaje të tjera rreth ngjarjes.
I arrestuari, disa ditë më parë ka kërkuar ndihmë ekonomike nëpërmjet një emisioni investigativ,ndihmë e cila ju dha nga shërbimi social në ushqime dhe strehim.
Mësohet se për disa ditë ai ka qenë nën vëzhgim dhe hetimet ende vijojnë në lidhje me rastin. Nëna e vajzës 6 vjeçe është me probleme të shëndetit mendor, ndërsa vajza e mitur ka pësuar humbje të shikimit në njërin sy.
