Godia e Sanatoriumit në spitalin e Korçë është përfshirë nga flakët gjatë natës.
Për pasojë është lënduar një pacient.
“Mesnatën e sotme, në lagjen nr. 4, Korçë, në godinën e sanatoriumit, ka rënë zjarr në një nga dhomat e saj”, njoftoi policia.
“Për pasojë ka marrë djegie të lehta pacienti B.D., rreth 62 vjeç, banues në Korçë, i cili po merr ndihmën e nevojshme mjekësore”, shtuan të njëjtat burime.
Nga të dhënat e para, dyshohet se zjarri ka rënë për shkaqe aksidentale, ndërsa grupi hetimor po punon për zbardhjen e rrethanave të ngjarjeve, mbyllet njoftimi i bluve.
