“Po të isha Edi Rama do kërkoja ndjesë që Alqi Bllako ka qenë pjesë e PS”.
Deklaratën e bëri nga foltorja e Kuvendit deputetja demokrate Jorida Tabaku.
Ajo tha se nëse do kishte drejtësi, sot para drejtësisë do ishte kryeministri, ministra dhe kryetarë bashkish.
Përveç Ramës, Tabaku përmendi emrat e Arben Ahmetajt, Damian Gjiknurit, Armando Subashi, Erion Veliajt dhe Emiriana Sakos.
“Unë do të kërkoja ndjesë me kokën ulur që Alqi Bllako dhe Lefter Koka kanë qenë pjesë e grupit parlamentar të PS-së. Sot nëse kishte drejtësi, Edi Rama duhet të ishte përpara drejtësisë, nëse unë do të isha ulur në një kabinet qeveritar, do të kisha hapur rrugën drejtësisë pa anjë kufizim. Kjo është ajo që duhet të kishte bërë një qeveri e përgjegjshme. Nëse do të kishte normalitet, ky parlament do të kishte ndërprerë kontratat e inceneratorëve”, tha Tabaku.
