Nënkryetarja e LSI Kejdi Mehmetaj e ftuar në studion e emisionit ‘Të Vaksinuarit’ në Fax News tha se kjo parti opozitare ka luajtuar një rol shumë të rëndësishëm me materialet që ka dorëzuar në SPAK për aferën e Inceneratorëve.
Mehmetaj theksoi se me hetimet që po kryhen kjo qeveri me në krye Ramën do hidhet në plehra, duke shtuar se janë kryer shkelje të rënda nga ministra dhe kryetarë bashkish.
“Ne kemi disponuar material voluminoze prej muajsh. Ne i kemi dorëzuar në SPAK dokumentet për Inceneratorët dhe u treguam shumë seriozë, bëmë denoncimin.
Kemi pasur jo vetëm rolin e opozitës por edhe të njerëzve që kanë pasur interes për të ditur se ku kanë shkuar paratë publike. Mesa duket plehrat do e hedhin në plehra këtë qeveri me në krye Ramën.
Procedurat që janë ndjekur në komision nuk egzistojnë në ligj, është shpikur një procedurë që nuk egziston asgjëkundi. Ka një letërkëmbim mes disa ministrive që e hedhin poshtë këtë procedurë.
Kryetari i Bashkisë Tiranë dhe Fier kanë kryer shkelje të rënda, detyrën rëndë pasi kanë anashkaluar kompetencat në institucione të tjera dhe kanë marrë veprime që kanë rënduar qytetarët.
Këto miliona kanë shkuar te disa emra”, tha ajo.
