Gjykata e Posaçme Anti-korrupsion ka vlerësuar masat e sigurisë për të të arrestuarit nga SPAK lidhur me inceneratorin e Elbasanit, Pëllumb Abeshi, Serafin Papa dhe Bardhyl Çabiri.
GJKKO ka lënë në fuqi masën e sigurisë “arrest me burg” për 3 personat, edhe pse avokatët e tyre kanë kërkuar lehtësim të masës.
Pëllumb Abeshi i cili ka mbajtur postin e Drejtorit të Politikave në Ministrinë e Mjedisit akuzohet për shpërdorim detyre.
Ndërkohë për Serafin Papën i akuzuar për shpërdorim detyre në bashkëpunim është dhënë masa arrest me burg, ndërkohë që më herët ishte dhënë masa arrest shtëpie.
Gjithashtu GJKKO vendosi sot lënien në fuqi të masës së arrestit me burg për ish-deputetin Alqi Bllako, i akuzuar për korrupsion pasiv, gjatë kohës që mbante funksionin e Sekretarit të Përgjithshëm të Ministrisë së Mjedisit. Masa e sigurisë për Bllakon dhe të arrestuarit e tjerë u mor në dhomë këshillimi.
