Blogerja dhe moderatorja Armina Mevlani ka rrëfyer një situatë të pakëndshme që i ka ndodhur me partnerin e saj Shkëlzen Berishën, djalin e ish-kryeministrit Sali Berisha.
Ajo rrëfeu një situatë që i kishte ndodhur me disa adoleshentë të huaj, të cilët kishin bërë një koment ndaj saj, teksa ishte e shoqëruar nga Shkëlzen Berisha. Mevlani tregoi se reagimi i partnerit të saj e ka habitur dhe i ka bërë përshtypje.
“Sigurisht që ka pasur komentues ose media që më kanë sulmuar, por ne kemi një lloj tjetër filozofie. Sepse ideja është që edhe vetë partneri im edhe unë kemi filozofinë që më mirë hesht se sa t’i japësh rëndësi. Sepse nëse ai do kishte heshtur një moment të tillë ajo shaka thjesht do të ishte kaluar dhe sdo iu kishte dhënë rëndësi. Unë nuk kam patur një rast konkret që dikush përballë të më ketë fyer, por kam patur njerëz të panjohur dhe ka qenë një rastësi komplet, s’kishte lidhje fare me Shqipërinë kanë qenë të huaj.
Kemi qenë në radhë dhe thotë dikush nga ata në radhë një koment për mua që s’ishte i këndshëm dhe më habiti sepse ai e ruan shumë pjesën e sjelljes është shumë me edukatë gjithmonë. Më bëri shumë përshtypje sepse unë e dëgjova dhe thashë: “aman budallenj”. Kur reagoi, reagoi me fjalë. Sigurisht që iu kthye me fjalë, doli jashtë natyrës së vet. Nuk ishte rast që duhej patjetër reaguar sepse ishin adoleshentë, bënë komente, nuk është se ishte diçka për të reaguar.”- tha ajo në “Goca dhe Gra.”
