Deputeti demokrat Oerd Bylykbashi i ftuar në “Log.” në Abc ka sqaruar se përse Enkelejd Alibeaj nuk mund të cilësohet si kryetar i komanduar.
Bylykbashi tha se me vendim gjykate njihet vetëm Komisioni i Rithemelimit, çka bën që asnjë nga organet e tjera të zgjedhura nuk vlen.
“Më “11 Dhjetor” ka ndodhur Kuvendi i PD, ku u shkarkua Lulzim Bashën. Gjithashtu përzgjedhja e Kryesisë së PD është nul, për arsye se shumica e kryesisë ishte zgjedhur në kundërshti me statutin. Janë pezulluar vendimmarrjet e Këshillit Kombëtar. I vetmi organ legjitim është Komisioni i Rithemelimit”, tha Bylykbashi. Sipas tij, Alibeaj është kryetar i grupit për sa kohë ishte zgjedhur nga grupi
“Partia nuk ka as Sekretar të Përgjithshëm e as nënkryetarë, nuk i ka që nga gushti. Kundër këtij vendimi ankohet vetëm ai që ka bërë ankesë, sepse nuk i regjistrohet statuti. Në regjistrin e Tiranës është i depozituar statuti, logo e re, vula e re, flamuri i ri dhe organi i shkarkuar. Organi që njeh Gjykata është Komisioni i Rithemelimit”, tha ai.
