Nga Boldnews.al
1500 lekë të reja u gjobit deputeti i PS-së në Lushnje Bujar Çela, pasi bënte fushatë duke shpërndarë leje legalizimi. E dëmtuan “rëndë”, atë dhe Artan Lamen, Drejtorin e Përgjithshëm të Kadastrës, që në kundërshtim me ligjin, në fushatë zgjedhore hapi thesin dhe u bë “babagjyshi i vitit zgjedhor”, kur shpërndante leje legalizimi dhe certifikata pronësie në këmbim të votave për Rilindjen.
Nëse emri Bujar Çela nuk ju thotë gjë për këtë rast, është ai personazhi që uroi Pavarësinë e Shqipërisë me fotografinë e Enver Hoxhës, por ky ishte vetëm një episod nga një “idiot politik” për të treguar paligjshmërinë e frikshme të Kadastrës Shqiptare e cila prej nga viti mjaft i largët 2013 drejtohet nga Artan Lame, që shquhet si koleksionist…, sidomos i medaljeve të komunizmit.
Faktet janë aty, madje të frikshme përsa i përket shfrytëzimit të Kadastrës për zgjedhjet. Sipas të dhënave zyrtare, që gjenden lehtësisht në faqes e Kadastrës Shqiptare, në vitin 2015 që përkon me fushatën për zgjedhjet lokale, janë dhënë 24 748 leje legalizimi. Ndërkohë në vitin që kishte lënë pas, 2014, Kadastra ishte kursyer, duke lëshuar 15.294 leje legalizimi për shtëpi, hotele dhe njësi shërbimi.
Dora e politikës nuk ndalet as në vijim, ku po në kohë elektorale, shifrat shtohen e shtohen. Në vitin 2017, në të gjithë vendin drejtuesit e lartë të Kadastrës bëhen zemërmirë duke firmosur jo pak por 26.451 leje legalizimi. Rezultati ishte i pritshëm, një leje disa vota në oazin e Rilindjes që rimori pushtetin e vetme.
Roli i Kadastrës ishte mëse i madh dhe duket se Rama e shpërbleu Lamen. Është i vetmi në rang drejtorësh të përgjithshëm që nuk ka lëvizur që nga viti 2013, me gjasa nuk do të lëvizë derisa pushtetit t’i duhet. Sërish kthehemi në fakte dhe shifra. Në zgjedhjet lokale të vitit 2019, Lame dhe drejtorët e tij kursehen sërish, duke mbajtur peng lejet e legalizimit për të mos i dhënë ashtu “badihava”, pa “taksën e Xhizes” (Taksë për kokë e aplikuar në periudhën e sundimit Osman).
Shkaku tashmë është fort i qartë. Në në zgjedhjet lokale të vitit 2019 u dhanë vetëm 12.018 leje legalizimi. Opozita bojkotoi zgjedhjet dhe kandidatët e PS-së ishin fitues të sigurt, ndaj Lamja me të tijët nuk kishte pse të “shkëmbente” lejet e legalizimit me vota.
Më pas në vitin 2021 ndodh i njëjti fenomen si më parë, ku në tremujorin e parë të vitit 2021 shtohet numri i lejeve të legalizimit të dhëna po ashtu edhe certifikata pronësie për apartamente, troje dhe toka bujqësore.
Në vitet që përkojnë me zgjedhje, lokale apo qëndrore, grafikët e “lëshimit të dorës” janë gjithnjë në rritje. Certifikatat shpërblehen me votë dhe pavarësisht se ligji i ri zgjedhor e ka të përcaktuar qartë se nuk lejohet përdorimi i “legalizimeve” në fushatë, kjo nuk ka ndodhur. Kadastra jep një kockë një herë në dy apo katër vite dhe të “mjel me zor” në periudhat e tjera.
