– Grupet e 32 finalisteve të Botërorit 2022 do të ndahen në ceremoninë gala, më datë 1 prill, në Doha (Katar).
– Katari si vend organizator do të jetë në vazon 1, plus 7 ekipet e tjera të para të renditjes FIFA, listë e cila do të rifreskohet më datë 31 mars. Kjo do të thotë që përveç të zotëve të shtëpisë, asnjë prej kombëtareve të tjera nuk do të ketë favorizime si kokë grupi, por gjithçka do të varet nga renditja e fundit FIFA.
– Me përjashtim të Europës, gjatë shortit nuk do të lejohet që në një grup të ketë skuadra nga kontinente të njëjta. Kjo do të thotë se skuadrat afrikane; amerikane-veriore e qendrore; amerikanojugoret dhe aziatiket nuk do të mund të përplasen mes tyre në fazën e grupeve.
– Për sa u përket europianeve, të cilat do të jenë 13, ato do të ndahen në 5 grupe me nga dy ekipe dhe tri grupe do të kenë nga 1 kombëtare.
