Ministrja e Bujqësisë, Frida Krifca, u shpreh mbrëmjen e sotme në “Opinion” se vendi është i papërgatitur për krijimin e rezervave ushqimore.
Krifca tha se jo vetëm në Shqipëri, por edhe në shumë vende të BE, janë gjetur të papërgatitura nga lufta në Ukrainë, pasi ky vend dhe Rusia janë edhe prodhuesit më të mëdhenj të grurit.
“Gjithsesi furnizuesit janë drejtuar drejt tregjeve të tjera, megjithëse janë çmime më të larta, pasi kuotohen në bursa”, tha Krifca.
Ajo këshilloi fermerët që të kultivojnë kultura që ndoshta më parë nuk i kanë pasur në objektivin e tyre, pasi tregu ka nevojë për këto produkte. Krifca përmendi Qarqet e Fierit, Korçës dhe Shkodrës, si më të pasurat sa i takon mundësive për kultivimin e kulturave të ndryshme bujqësore.
