Drejtoria e Përgjithshme Detare ka vendosur pezullimin e lundrimit të “mjeteve të vogla lundruese dhe mjeteve të peshkimit”
Drejtoria e Përgjithshme Detare njofton se si rezultat i erërave të forta me drejtim Jug-Jugperëndim dhe Jug-Juglindje në datën 30 mars 2022 deri më datën 1 prill 2022, moti në gjithë bregdetin shqiptar do të jetë përkeqësuar.
Bregdeti shqiptar do të përfshihet nga era me shpejtësi deri në 20m/s dhe lartësia e dallgës së detit arrin në 2.50 deri 4.00 m, ku forca e detit shkon 5-6 deri 7-8 ballë. Kushtet e motit, sipas parashikimit të drejtorisë, përmirësohen në datën 1 prill 2022 mbas orës 22:00.
“Për shkak të kushteve të motit të përkeqësuara, pezullohet lundrimi i mjeteve të vogla lundruese dhe mjeteve të peshkimit”, njofton Drejtoria e Përgjithshme Detare.
