Deputeti demokrat Edi Paloka, përmes rrjeteve sociale, shprehet se sapo protestat të fillojnë seriozisht, do të dështojnë grupet që Edi Rama dhe Erion Veliaj fusin mes protestuesve me qëllim dështimin e tyre.
Paloka iu referua incidentit të ndodhur protestën e djeshme, ku nënë Liza, simboli i protestave të banorëve të 5 majit nuk u la të fliste nga një qytetare, e cila më pas rezultoi se kishte të punësuar dy djemtë e saj në administratën e Erion Veliajt.
“Kur unë denoncova faktin që Rama ( nënkupto dhe Veliaj) kanë grupe që i fusin qëllimisht në protestë për të prishur protestën, pati dhe disa reagime disaprovuese.
Ky me Nenë Lizën është vetëm një rast flagrant, por kjo është kthyer në strategji të Ramës për cdo protestë qytetare.
Në fakt fenomeni ka nisur që në dhjetor të ‘90. Të njëjtat mënyra; largohen njerëzit duke i përjashtuar nga protesta dhe ulet deri në banalitet niveli i kërkesave që i drejtohen pushtetit.
Në dhjetor ‘90 pati disa personazhe, që më pas rezultuan spiunë të Sigurimit të Shtetit , të cilët u përpoqen të bënin pikërisht këtë rol.
Fillimisht tentuan ta kufizonin protesten vetëm tek studentet konviktore dhe me disa kërkesa banale. Kur nuk ja dolën , prapë tentuan ta mbanin lëvizjen të kufizuar vetëm në rrethin e studentëve. Për fat të mirë atëherë dështuan . Do dështojnë dhe tani sapo protestat të fillojnë seriozisht dhe me të vetmen kërkesë logjike; largimin e kësaj qeverie!”, shkruan Paloka
