43-vjeçari Davide Fontana, para se të dërgohej në masën e arrestit me burg për vrasjen e aktores së filmave porno Charlotte Angie, i tha prokurorëve italian: “E vrava në një lojë erotike, e godita me çekiç. Më pas nuk kuptova asgjë”.
Kujtojmë se trupi i gruas i copëtuar u gjet në disa çanta në një shkëmb në Brescia pak ditë më parë, ndërkohë që krimi dyshohet se ka ndodhur që në muajin Janar.
Sipas rrëfimit të 43-vjeçarit, i cili pretendon se në të kaluarën kishte pasur një lidhje me viktimën, vrasja ndodhi në janar në Milano dhe pas krimit, Fontana e vendosi trupin në një frigorifer që e kishte blerë me qëllim, duke e mbajtur aty për disa ditë.
Më vonë, ai e copëtoi trupin e pajetë, dhe e hodhi në një shkemb në Bresciano, për t’u gjetur rreth dy muaj më pas. Hetuesit kishin zbuluar se më 20 mars makina e Carol Maltesit kishte kaluar në Borno, por drejtohej nga një burrë.
Karabinierët dyshojnë se krimi është kryer në kulmin e një sherri, megjithëse burri u tha hetuesve se ishte një “lojë erotike” që përfundoi keq.
Viktima quhej Carol Maltesi por në botën e pornos ajo njihej me emrin e saj artistik Charlotte Angie. Ajo ishte 26 vjeç dhe me origjinë italo-holandeze.
