Ish-kryeministri Sali Berisha ka denoncuar në rrjete sociale abuzimin me çmimin e bukës dhe peshën e saj. Berisha teksa publikon një foto thotë se nga kontrolli rezulton se një bukë 600 gramë shitet për 1000 gramë.
Pra edhe pse çmimi i bukës është shtrenjtuar me 10 deri në 20 lekë, pesha e saj është shumë e ulët dhe abuzuese.
Ish-kryeministri thotë se kemi të bëjmë me një qeveri spekulantësh ndërsa rastin konkret e quan krim.
“Rritje e çmendur e çmimit të bukës. Nga kontrolli del se 600 gr bukë shitet për 1 mijë gramë. Rritet çmimi i bukës, firon pesha”, thotë Berisha.
