Avokati i Alqi Bllakos, Sokol Hazizaj, nuk përjashtoi mundësinë që klienti i tij mund të arrestohet edhe sot nga Policia e Shtetit, nëse ka një masë sigurie të vendosur nga Gjykata.
Në një intervistë për emisionin “Opinion”, Hazizaj tha se nga momenti kur Bllako ka dorëzuar mandatin në Kuvend, atëherë s´ka asnjë pengesë për të realizuar arrestimin, nëse ka një vendim Gjykate që mund të jetë marrë pa praninë e ish-deputetit apo avokatit të tij.
“Sipas Kodit të Procedurës Penale, momentalisht Policia mund të arrestojë Bllakon. Ai ndodhet në shtëpi. Nëse arrestohet, duhet që brenda 48 orësh, i njëjti gjyqtar që ka dhënë masën e sigurisë të bëjë dhe vlerësimin e saj”, tha Hazizaj.
