Lihen në qeli efektivët e policisë të arrestuar lidhur me zjarrin e rënë të Shtunën mbrëma në komisariatin në 5 të Tiranës, si pasojë e të cilit humbi jetën i paraburgosuri Arben Mici.
Gjykata e Tiranës ka caktuar sot masat “arrest me burg” për policët Hajredin Boja dhe Fatmir Isufi nën akuzën e “shpërdorimit të detyrës”.
Agjencia e Mbikëqyrjes Policore arrestoi policin e lënduar Hajredin Boja dhe kolegun e tij Fatmir Isufi, me argumentin se nga pakujdesia dhe në kundërshtim me procedurat standarde dhe rregullat teknike të trajtimit të personave të arrestuar, kanë lejuar që ata të mbajnë dhe përdorin mjete ndezëse.
