Presidenti i Ukrainës Volodymyr Zelenskyy ka reaguar për herë të parë pas takimit të grupeve negociatore për paqe me Rusinë. Takimi u bë në Stamboll më herët gjatë ditës.
Në një video-mesazh të publikuar së fundmi, presidenti i Ukrainës tha se sinjalet nga bisedimet mund të quhen pozitive, por “këto sinjale nuk i mbytin shpërthimet e bombave ruse”.
Ai shtoi se “vetëm një rezultat konkret nga bisedimet mund të merret seriozisht.”
Kujtojmë se më herët Rusia bëri të ditur se do të shkurtonte në mënyrë drastike aktivitetin e saj ushtarak të fokusuar në Kiev dhe Chernihiv, duke sinjalizuar një përparim të mundshëm në bisedat për paqe. Megjithatë, njoftimi është pritur me optimizëm të kujdesshëm dhe njëfarë skepticizmi, ndërsa SHBA deklaroi më herët se trupat ruse janë duke u ripozicionuar dhe jo duke u tërhequr.
