Ish-banorja e “Big Brother VIP”, blogerja Sarah Berisha, e ftuar në “Wake Up”, foli për lidhjen e saj me Dj PM.
Blogerja tregon se kur ka hyrë PM në shtëpinë më të famshme në Shqipëri, ajo ka qenë e mërzitur pasi ishte në nominim.
“Ditën që ka hyrë PM unë dola më pak e preferuar, apo dola në nominim. Isha shumë e mërzitur, kur dolëm jashtë çunat hynë si Dj. Kur futen në dhomën e rrëfimit, tregojnë se janë banorë dhe PM tha se një nga vajzat që më pëlqen është Sarah. Të dy më kanë pëlqyer shumë sa i pashë. Sollën një ndryshim në shtëpi. Kishin shakatë e tyre, ishin të dy bashkë”, tha Sarah.
Sarah zbuloi se ka takuar mamanë dhe motrën e madhe të Pajtimit. Blogerja tregoi se familja e saj nuk e pyet shpesh për lidhjen e saj me Pm sepse nuk duan ta vënë në siklet.
“Kam takuar motrën e madhe dhe mamanë e tij. Ndërsa ai babin e takoi në BB VIP dhe mamin në rrugë, asgjë e menduar. Mami kishte shumë qejf ta takonte se e ka ndjekur që kur ka qenë në BB VIP dhe ishte fanse. Kur kam dalë nga Big, babi nuk më ka pyetur fiks, se e di se vihem në siklet. Kemi qenë të dy në kafe dhe babi më pyet se si shkon me PM, por nuk më ngacmon shumë. Unë këtë periudhë, duke qenë se PM vjen këtej dhe unë shkoj në Kosovë, kalojmë kohë bashkë. E më ndodh që në Durrës të shkoj në fundjavë ose vetëm një ditë e kthehem dhe ata mërziten”, tha Sarah.
