Ka nisur në Tiranë protesta qytetare kundër rritjes së çmimeve të karburantit dhe produkteve ushqimore, përfshi edhe ato të shportës.
Protestuesit të organizuar përmes rrjeteve sociale janë nisur nga sheshi Skënderbej drejt godinës së Kryeministrisë.
Në dallim nga protestat e mëparshme, kjo e sotmja, nuk do të ketë fjalime apo mesazhe që jepen nga qytetarët, ndërsa gjithçka do të thuhet përmes pankartave që ata mbajnë në duar.
Qytetarët akuzojnë Qeverinë për rritjen e çmimeve, të cilat i konsiderojnë si abuzive dhe spekulative. Sipas protestuesve, Qeveria duhet të shkurtojë ose anullojë fondet për koncensionet, dhe të përdoren për përballimin e krizës nga qytetarët dhe bizneset.
