Deputeti i PD Belind Këlliçi ka komentuar në emisionin Opinion zhvillimet e fundit lidhur me çështjen e inceneratorëve, ku SPAK nxori së fundi urdhër arresti për deputetin Alqi Bllako.
Duke pohuar se pas aferës është vetë Kryeministri Rama, ai u shpreh se me ministra dhe deputetë të arrestuar, Kryeministri ose është i përfshirë, ose nuk kupton çfarë ndodh rreth tij.
“Me këta ministra të arrestuar, deputetë të arrestuar, o ky njeri është koka, ose është hundëlesh dhe i paaftë, që nuk kupton asgjë. Ja fusin të gjithë, ministra, kryebashkiakë dhe ky nuk kupton asgjë. A ka shqiptar që nuk e kupton që këtu është Edi Rama”, tha Këlliçi.
