Një i ri është arrestuar nga policia e Durrësit pasi ndaj tij rëndonte një dënim me 5 vite burgim nga autoritetet gjyqësore holandeze.
Në pranga u vu M.B., 27 vjeç. “Ky shtetas ishte shpallur në kërkim ndërkombëtar, pasi Gjykata e Apelit Antwerp, Belgjikë, e ka dënuar me 5 vjet burg, për veprat penale ‘Pjesëmarrja në organizatë kriminale’ dhe ‘Trafik i paligjshëm i substancave narkotike dhe psikotrope’, të parashikuara nga Kodi Penal belg”, njoftoi policia e Durrësit këtë të Martë.
Gjykata e Rrethit Gjyqësor Durrës, me vendimin e datës 08.01.2022, i ka caktuar këtij shtetasi masën e sigurisë “Arrest në burg”, në mungesë, në njohje të vendimit të Gjykatës së Apelit Antwerp, Belgjikë, vendim i cili do të ekzekutohet në Shqipëri, shtuan të njëjtat burim.
