Denis Telo, 29-vjeçari i arrestuar për dhunimin e dy motrave në Tiranë tre ditë më parë, do të shtrohet në psikiatri. Vendimi u dha këtë të Martë nga gjykata e Tiranës.
Ditën e sotme, u zhvillua seanca për masën e sigurisë ndaj të riut. Gjyqtari Bedri Qorri pranoi kërkesën e prokurorit Enklid Gjini dhe caktoi masën “shtrimi i përkohshëm në një spital psikiatrik” për Denis Telon.
Telo akuzohet për veprën penale “plagosje e lehtë me dashje”.
Sulmi i fundit ndaj dy motrave nuk është i pari nga ana e tij. Ai ka qenë i arrestuar edhe më herët për dhunim të vajzave në rrugët e Tiranës.
