Momenti kur Will Smith goditi me shuplakë Chris Rock gjatë ceremonisë së ndarjeve të çmimeve Oscar la audiencën dhe teleshikuesit në gjendje shoku.
Sipas Daily Mail, kjo nuk është hera e parë që komediani i njohur Chris Rock bën shaka me bashkëshorten e Will Smith, Jada Pinkett Smith. Në fakt mosmarrëveshje mes dy aktorëve ka lindur pesë viteve të fundit, nga batutat e përsëritura të Chris Rock ndaj çiftit Smith.
Në ndarjen e çmimeve Oscar në vitin 2016, Chris përdori Jada Pinkett Smith në monologun e tij hapës, me të cilën ai ka punuar në ekskluzivitetin e filmave të animuar Madagasca.
‘Jada u zemërua, tha se nuk do të vinte. Të bojkotojë Jada Oscarët është si unë të bojkotoj brekët e Rihannës. Ti zemërohesh. Nuk është e drejtë që Will ishte kaq i mirë dhe nuk u nominua. Gjithashtu nuk është e drejtë që Will-it iu pagua 20 milionë dollarë për Wild Wild West. Këtë vit në Oscar, gjërat do të jenë pak më ndryshe’– u shpreh Chris Rock në 2016.
Pas kësaj deklarate të komedianit media amerikane TMZ e pyeti Will Smith në atë kohë nëse kishte një koment për këtë koment të Chris, por ai refuzo të përgjigjej.
Sulmet e Chris ndaj çiftit Smith nuk u ndalën me kaq. Në vitin 2018 Will kishte postuar një foto të ish-bashkëshortes së tij Sheree Zampino, të cilën e uronte për ditëlindje.
”Gëzuar ditëlindjen, @shereezampino. #BestBabyMamaEver! 🙂 Të dua, Ree-Ree”, shkroi Will krahas fotos së Sheree dhe djalit të tyre Trey. Ndërsa Chris më pas komentoi në foton e Will-it: ‘Uau. Ju keni një grua shumë të kuptueshme’. Më pas Sheree iu përgjigj Chris: ‘Mos urre’.
Megjithatë, të dielën mbrëma, u duk se Chris e kishte mbushur kupën dhe se Will nuk po duronte më shakatë e komedianët të njohur.
