Të tjera detaje janë zbardhur nga atentati i ndodhur pasditen e së martës në Elbasan, ku ndaj një automjeti që ishte në lëvizje u qëllua me armë zjarri.
Nga raportimet mësohet se Policia ka gjetur një kallashnikov brenda automjetit luksoz BMW, ndaj të cilit u qëllua me armë zjarri nga një mjet në lëvizje. Ngjarja ndodhi në aksin Elbasan-Peqin.
Dyshohet se personat të cilët ndodheshin në mjet janë plagosur, por janë fshehur diku në zonë për t’i shpëtuar policisë.
Në vendngjarje kanë shkuar trupat e FNSH-së dhe RENEA-s, të cilët kanë nisur kërkimet për të plagosurit të cilët dyshohet se janë të armatosur.
Gjithashtu raportohet se targat e mjetit tip BMW ndaj së cilës u qëllua me armë rezulton të jenë targa të vjedhura në vitin 2021 në Durrës.
