Pas një pauze prej më shumë se 1 javë, ditën e martë pritet të rikthehen protestat qytetare lidhur me rritjen e çmimeve. Nga momenti që u ndërprenë protestat, nisi edhe rritja e çmimeve, veçanërisht e karburanteve, ku nafta tregtohet me 245 lekë për litër.
Po çfarë pritet nga protesta e ditës së martë?
Gazeta “Koha Jonë” në një editorial të sajin, shprehet se ende nuk dihet se kush janë organizatorët e protestës, pasi gjithçka po organizohet përmes rrjeteve sociale.
“A do të ketë një përshkallëzim të protestit, apo do të jetë një reagim me kulturë. E marta po vjen dhe do të kjo protestë do të jetë një test për organizatorët e protestës. Nëse organizatorët do të jenë ashtu sikundër janë shfaqur deri më tani, asgjë nuk do të marrin. E marta po vjen dhe ne duhet të jemi të gjithë në shesh”, thuhet në editorialin e Koha Jonë me botues Nikoll Lesin.
